Aqmola oblysynda kásipkerler forýmy ótti

KÓKShETAÝ. QazAqparat - Aqmola oblysynyń Zerendi aýdanynda aýdanynda Táýelsizdiktiń 30 jyldyǵyna arnalǵan kásipkerler forýmy ótti, dep habarlaıdy QazAqparat tilshisi oblystyq saıasat basqarmasyna silteme jasap.

Іs-sharany Aqmola oblysy kásipkerler palatasynyń qoldaýymen aýdan ákimdigi uıymdastyrdy.

Óńirlik kásipkerler palatasynyń málimetinshe, forým aldynda jergilikti mádenıet úıinde «Bastaý bıznes« jobasynyń 20-ǵa jýyq qatysýshysynyń buıymdary men jumystary usynylǵan kórme uıymdastyryldy. Forýmǵa qatysýshylar arasynda 2019 jyly joba boıynsha bilim alǵan Aıbar Baltabekov te bar. Búginde ol sátti kásipker, kádesyı ónimderin shyǵarýmen aınalysady, kúrdeli tapsyrystardy oryndaıdy.

«Joba maǵan kóp nárse berdi, eń bastysy isin endi bastap jatqan kásipkerler tap bolatyn qıyndyqtardy eńserýdi úırendim», - dep bólisti joba túlegi.

Forýmǵa qatysýshylardy Zerendi aýdanynyń ákimi Ásen Jaqsylyqov quttyqtady.

«Zerendi aýdanynda ónerkásip pen aýyl sharýashylyǵy damyǵan, sondyqtan bizge tereń óńdeýdi, týrızmdi damytý jáne Kókshetaý qalasy men elordanyń azyq-túlik beldeýin qamtamasyz etý qajet, bul perspektıvada óńirge úlken paıda ákeledi. Eń baı shıkizat, ónerkásip, tabıǵı jáne kólik resýrstaryna ıe bola otyryp, Zerendi aýdany bıznes-alpaýyt bolýǵa barlyq múmkindikke ıe», - dedi aýdan ákimi.

Forým jumysy «ınvestor saǵatymen» jalǵasty. Kezdesýge qatysýshylar – ınvestıtsııalyq bastamasy bar áleýetti ınvestorlar men kásipkerler-óz jobalaryn, damý josparlaryn tanystyrdy, sondaı-aq óz jobalaryn iske asyrý kezinde túıtkildi máselelerdi talqylady.

«Aqmola oblysynda aýdandyq deńgeıde kásipkerler forýmy alǵash ret ótkizilip otyrǵanyn atap ótkim keledi. Búgingi is-shara óńirdegi kásipkerlik belsendilikti damytý úshin qolaıly ahýal jasaýda mańyzdy ról atqarady. Sonymen qatar, shaǵyn bızneske de úlken mán berilgen. Sońǵy 5 jylda Kásipkerler palatasy «Bastaý Bıznes» baǵdarlamasy boıynsha 9900 astam aqmolalyqty, onyń ishinde Zerendi aýdanynyń 865 turǵynyn oqytyp shyǵardy. Aǵymdaǵy jyly joba boıynsha oqýdan 109 zerendilik ótti, onyń 55 - i granttar alyp, memlekettik jeńildikti baǵdarlamalar boıynsha qarjylandyryldy», - dedi Óńirlik kásipkerler palatasynyń dırektory Erqanat Músylmanbek.

Forým óńirdiń úzdik kásipkerlerin marapattaýmen aıaqtaldy. Jyl qorytyndysy boıynsha «Atameken» ulttyq kásipkerler palatasy Іsker áıelder keńesiniń sheshimimen Zerendi aýdanynyń jeke kásipkeri Aıshat ıAndıeva kásipker áıelder arasynda «Arýandy bıznes-taný» syılyǵymen marapattaldy.