Aqmola oblysynda qarjy pıramıdasyn qurǵan áıeldiń isi sotqa joldandy

KÓKShETAÝ. QazAqparat - Aqmola oblysynyń prokýratýrasy qarjy pıramıdasyn quryp, salymshylardyń 147 mıllıon teńgeden astam aqshasyn jymqyrǵan áıeldiń isin Stepnogor qalalyq sotyna joldady, dep habarlaıdy QazAqparat tilshisi.

Aqmola oblysynyń prokýratýrasy baspasóz qyzmetiniń málimetinshe, tergeý barysynda Stepnogor qalasynyń turǵyny áleýmettik jeliler arqyly tabystyń jyldam ósýi týraly aqparat taratyp, 5 myńnan astam adamdy aldaǵany anyqtaldy.

«Tergeý barasynda anyqtalǵandaı, pıramıdany uıymdastyrǵan áıel halyqtyń 147 mıllıon teńge aqshasyn ıemdengen soń, baılanysqa shyqpaı qoıǵan. Ol 2018 jyly salymshylardy tartý úshin segiz ınvestıtsııalyq baǵdarlama (tásil) qurǵan. Investorlarǵa salym somasyna baılanysty jedel tólemder ýáde etken. Kúdikti óz kompanııasynyń senimdiligin arttyryp, áleýetti salymshylardy adastyrý úshin áleýmettik jelilerde ózge salymshylardyń bıznes-klass avtomobılderin satyp alǵany týraly aqparat taratty. Kompanııa qyzmetkerlerine jańa klıentterdi tartqany úshin kótermeleý júıesi ázirlendi. Keıin salymshylar sany myńnan asqan kezde tólem jasaýdy toqtatty. 2021 jyly qarjy pıramıdasynyń uıymdastyrýshysy qamaýǵa alynyp, ústinen Qylmystyq kodekstiń 217- baby «qarjy pıramıdasyn qurý jáne oǵan basshylyq etý» boıynsha is qozǵaldy», - dedi oblystyq prokýratýranyń baspasóz qzymetinen.

Buǵan deıin Aqmolada jemqorlyq jasap sottalǵan 42 sheneýniktiń 16-sy ǵana túrmege qamalǵany habarlanǵan.