Aqmola oblysynda qaraýsyz júrgen maldyń 3 myńnan astam ıesi jaýapqa tartyldy
Janýardyń qatysýymen bolǵan jol apaty 11 qazanda Zerendi aýdanynda oryn aldy. Kókshetaý-Atbasar avtojolynyń 14 shaqyrymynda Zerendi aýylynyń 48 jastaǵy turǵyny - Lada Vesta avtokóliginiń júrgizýshisi sıyrǵa soǵylǵan. Apat saldarynan janýar oqıǵa ornynda ólip, avtomobılge mehanıkalyq zaqym keldi.
Janýardyń ıesine qatysty ÁQBtK 408-baby 2-bóligi boıynsha ákimshilik hattama toltyryldy. Aýyl turǵyndarymen túsindirý jumystaryn ýchaskelik polıtsııa ınspektorlary júrgizilip jatyr.
Sol sııaqty, 7 qazanda saǵat 18:00 shamasynda Naýmovka aýyldyq okrýginiń ýchaskelik ınspektory Nurlan Ábilov aýyldan shamamen 2 km qashyqtyqta 50 jylqydan turatyn tabyndy kórdi. Janýarlar Naýmovka-Aqkól avtojolynyń janynda qaraýsyz jaıylyp júrdi: jaqyn jerde tabynshy da, janýarlardyń ıesi de bolmaǵan. Tártip saqshysy jergilikti JShS qyzmetkerlerimen birlesip, qaraýsyz júrgen maldy mamandandyrylǵan aıyppul turaǵyna aıdap kirgizdi. Polıtsııa jylqy ıesiniń jeke basyn anyqtady. Bulandy aýdanynyń turǵyny ÁQBtK-niń 408-baby 1 bóligi (Aýyl sharýashylyǵy janýarlaryn jaıý qaǵıdalaryn buzý) boıynsha ákimshilik jaýapkershilikke tartyldy.
10 qazanda «Qańǵybas mal» JPІSh sheńberinde Talapker aýyldyq okrýginiń ýchaskelik ınspektorlary zagonǵa 3 iri qara maldy aıdap kirgizdi. Mal ıesiniń jeke basyn anyqtaý boıynsha jumystar júrgizilýde.
Aıta keteıik, 9 aıda oblystyń 3228 turǵyny QR ÁQBtK 408-baby boıynsha jaýapkershilikke tartyldy.
Foto: polisia.kz