Aqmola oblysynda karantın talaptary jumsardy
Qaýylda saýda oıyn-saýyq ortalyqtary, saýda úıleri, saýda ortalyqtary, azyq-túlik emes dúkenderdiń qyzmetine bir kelýshige 4 sharshy metrden alǵanda tolymdylyǵy 30 paıyzdan aspaǵanda keshki saǵat 22:00 deıin jumys isteýge ruqsat etiledi.
«Azyq-túlik sýpermarketteri men dárihanalardy, sondaı-aq ýaqytsha egý pýnktteri uıymdastyrylǵan nysandardy (vaktsınatsııalaýǵa aldyn ala jazylǵan jaǵdaıda) qospaǵanda, (qoıma úı-jaılarynsyz jalpy alań eskeriledi) aýdany 1000 sharshy metrden astam saýda-oıyn-saýyq ortalyqtary, saýda úıleri, saýda ortalyqtary, azyq-túlik emes dúkender, aralas taýarlar dúkenderi senbi jáne jeksenbi kúnderi jumysyn toqtady. Sonymen birge, balalar oıyn alańdary men attraktsıondarynyń qyzmetine tyıym salynady» delingen qaýlyda.
Sonymen qatar, saltanatty, otbasylyq, estelik, ujymdyq is-sharalardy ótkizýdi toqtatyp, kelýshiler arasynda keminde 2 metr jáne keminde 1 metr qashyqtyqty saqtaı otyryp qoǵamdyq tamaqtaný nysandarynyń qyzmetine ruqsat beriledi.
«Jazǵy alańdar tolymdylyǵy 50 paıyzǵa deıin, dámhana, meıramhanalar, dúkender janyndaǵy barlar jáne taǵy basqa túri boıynsha (úı-jaıda) tolymdylyǵy 50 paıyzǵa deıin, biraq 30 orynnan aspaıtyn jaǵdaıda 09:00-den 20:00 saǵatqa deıin jumys isteıtin bolady. Al ashanalardyń jumys rejımi 09:00-den 24:00 saǵatqa deıin anyqtalyp otyr», - delingen qaýlyda.
«Ashyq» jobasyna qatysatyn nysandardyń qyzmeti osy jańa qaýlynyń 1-shi qosymshasyndaǵy áleýmettik-ekonomıkalyq nysandardyń qyzmetin shekteý krıterıılerine sáıkes kelýge tıis.