Aqmola oblysynda karantın sharalaryna qatysty jańa qaýly shyqty

KÓKShETAÝ. QazAqparat - Aqmola oblysynyń Bas memlekettik sanıtarlyq dárigeriniń «Aqmola oblysynyń aýmaǵynda karantındik shekteý sharalaryna ózgerister men tolyqtyrýlar týraly» jańa qaýlysy shyqty, dep habarlaıdy QazAqparat tilshisi.

Qaýlyda kópshilik jınalatyn saltanatty, otbasylyq, estelik, ujymdyq jáne basqa da is-sharalardy ótkizbeı, ústel arasyndaǵy qashyqtyq 2 metrden kem emes jáne kelýshiler arasynda 1 metrden kem emes qashyqtyqty saqtaǵan jaǵdaıda qoǵamdyq tamaqtandyrý obektileri qyzmetine ruqsat beriledi.

«Dámhana, meıramhana tıpi boıynsha, dúkenderdegi jáne (jaılardaǵy) barlar jáne t.b. toltyrylýy 50 paıyzǵa deıin, biraq oryn sany 50-den artyq emes jumys rejımi saǵat 07:00-den 24:00-ge deıin, saǵat 24-den 07:00-ge deıin ónim tek syrtqa shyǵarylyp, satylady. Saǵat 07:00-den 20:00-ǵa deıin jumys rejımimen, Aqkól, Arshaly, Shortandy, Tselınograd aýdandaryn qospaǵanda, saǵat 20:00-dan 07:00-ge deıin ónim tek syrtqa shyǵarylyp, satylady. Jazǵy alańdar - toltyrylýy 50 paıyzǵa deıin, biraq 50 orynnan asyrmaı, jumys rejımi saǵat 07:00-den 24:00-ke deıin, ashana tıpi boıynsha-táýlik boıy, strıt-fýdtarǵa (otyratyn orny joq jeke turǵan shatyr/larek/dúńgirshek) ruqsat beriledi», - delingen qaýlyda.

Qaýly qol qoıylǵan kúninen bastap kúshine enedi.