Aqmola oblysynda karantın sharalary jeńildedi

KÓKShETAÝ. QazAqparat - Aqmola oblysynyń bas memlekettik sanıtarlyq dárigeriniń karantın sharalaryn jeńildetý týraly jańa qaýlysy shyqty, dep habarlaıdy QazAqparat tilshisi.

Onda 2020-2021 oqý jylynyń úshinshi toqsanynda óńirdegi bilim berý oryndarynda birqatar karantındik jeńildikter qarastyrylǵan. Máselen, oqýshylar sany 300-ge deıin kontıngenti bar, synyptarda 15-ten kóp emes bala sanymen qalalyq jáne aýyldyq mektepterde dástúrli formatta oqytylady.

– 2021 jylǵy 1 naýryzdan bastap jalpy bilim beretin mektepterde mektep aldy synyptardyń, 1 synyptan 5 synypqa deıin qosa alǵanda, halyqaralyq mektepterde 1 synyptan 7 synypqa deıin qosa alǵanda, synyptarda 25-ke deıin bala sanymen oqýshylardy aralas formatta oqytylady;

– oqý bitiretin synyptar (9, 11 (12) synyptar) úshin aptanyń 6 kúni ishinde aralas formatta oqytýǵa: pánderdiń 70 paıyzy shtattyq rejımde, 30 paıyzy qashyqtyqtan oqytylady (synypta 15 adamnan artyq emes, «1 synyp - 1 kabınet» qaǵıdaty boıynsha oqytý, sanıtarııalyq-dezınfektsııalyq jáne maska rejımderin saqtaý);

– bilim berý mekemesi ákimshiliginiń sheshimi boıynsha sabaqtan tys ýaqytta 15 adamnan aspaıtyn toptarda oqýshylardy jeke oqytýǵa ruqsat beriledi.