Aqmola oblysynda qańǵybas ıtterge arnalǵan panajaılar salynady

ASTANA. QazAqparat – Aqmola oblysynyń ákimi Ermek Marjyqpaev qańǵybas ıtter máselesi qalaı sheshilip jatqanyn aıtty. Ákimniń aıtýynsha, óńirde úı-kúısiz ıtterge arnaıy panajaı salynady, dep habarlaıdy QazAqparat tilshisi.

Rasynda da bizde qańǵybas ıtter men mysyqtar problemasy bar. Memleket basshysynyń sáýir aıynda Úkimettiń keńeıtilgen otyrysynda osy máselege erekshe nazar aýdarǵany kezdeısoq emes. Ótken jyldyń naýryz aıynda «Janýarlarǵa jaýapkershilikpen qaraý týraly» zań qabyldaǵanda bizdiń ekologtar, zootehnıkter jeńiske jetti. Sodan bastap kóp nárse ózgerdi, janýarlarǵa degen kózqaras ózgerdi. Qazir bizdiń veterınarlyq stantsııalar ıt-mysyqty aýlaı almaıdy, ata almaıdy. Munda chıpteý, panajaılarda ustaý sekildi arnaıy algorıtmi bar. Buǵan biz shamamen 100 mln teńge bóldik. Ótken jyly 10 mln teńge bólingen edi. ıAǵnı, bólinetin qarajatty 10 esege ulǵaıttyq

, - dedi E. Marjyqpaev Ortalyq kommýnıkatsııalar qyzmetinde.

Sonymen birge oblys ákimi óńirde qańǵybas ıtterge arnaıy panajaı salynatynyn da aıtty.

Biz bes negizgi aýdanda jer ýchaskelerin bóldik. Elorda mańynan bir panajaıǵa oryn tabyldy. Oblys ortalyǵynyń janynan da solaı ashamyz. Bul máseleni únemi erekshe baqylaýda ustaımyz. Bes aıda 1650 ıt ustaldy, biz osy algorıtm boıynsha jumys istep kelemiz. Panajaı boıynsha konkýrsta jeńiske jetken kompanııalar bar. Olar joǵaryda aıtylǵan algorıtm boıynsha aınalysatyn bolady

, - dedi Ermek Marjyqpaev.