Aqmola oblysynda kanadalyq tehnologııa boıynsha sút fermasy salynyp jatyr

KÓKShETAÝ. QazAqparat - Aqmola oblysynyń Tselınograd aýdanynda 1600 basqa arnalǵan taýarly sút fermasy salynýda, dep habarlaıdy QazAqparat tilshisi.

Aýdan ákimdiginiń málimetinshe, «Mánshúk-AE» jaýapkershiligi shekteýli seriktestigi sút óndirisinde kanadalyq tehnologııany engizýdi josparlap otyr.

Bul tehnologııa boıynsha mal sýyq karkasty qorada ustalady.

«Mánshúk-AE» jaýapkershiligi shekteýli seriktestiginiń dırektory Tımýr Pshenov atap ótkendeı, bul - iri qarany ustaýda ekonomıkalyq jáne energııa únemdeý jaǵynan tıimdi ádis.

Sonymen birge sút baǵasynyń qunyn arzan etýge múmkindik beredi.

«Búgingi tańda qurylys qurylys jumystarynyń 75 paıyzy oryndaldy. Sońǵy 15 jylda bul - Tselınograd aýdanyndaǵy alǵashqy joba. Munda tolyq avtomattandyrylǵan saýý júıesi, ımporttyq jabdyq bolady. Mundaı taýarly sút fermasy Soltústik Qazaqstan oblysynyń ıAsnaıa polıana aýylyndaǵy sharýashylyqta bar. Olar 15 jyldan beri jumys istep keledi. Biz osy model boıynsha olardyń tájirıbesine súıene otyryp, kanadalyq ádispen bıznes quryp jatyrmyz», - dep bólisti Tımýr Pshenov.

Kásipkerdiń aıtýynsha, «Mánshúk-AE» jaýapkershiligi shekteýli seriktestigi qurylysty jyl sońyna deıin aıaqtap, golshteın-frız tuqymdy 1600 bas iri qara mal satyp alýdy josparlap otyr.

Búgingi tańda bul - álemdegi eń ónimdi tuqym. Ortasha alǵanda, bir golshteın sıyry jylyna 10 tonna sút beredi, al eń sútisinen 25 tonna sút saýylady.

Aıta ketsek, budan buryn Aqmola oblysynda sút óndirisi 32,3 myń tonnaǵa ulǵaıtý josparlanǵanyn jazǵan edik.