Aqmola oblysynda izdeý jarııalanǵan polıtsııa qyzmetkeriniń denesi tabyldy
11:40, 25 Maýsym 2023
KÓKShETAÝ. QazAqparat – Aqmola oblysynda joǵalǵan polıtsııa qyzmetkeriniń denesi Kókshetaýdan tabyldy, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Vedomstvonyń málimetinshe, joǵalǵan adamnyń denesi búgin saǵat 9:15-te Qylshaqty ózeni aýmaǵynda júrgizilgen izdestirý sharalary barysynda tereńdigi 2 metr bolatyn qazanshuńqyrdan tabyldy.
«Er adamnyń denesinen zorlyq-zombylyq belgileri anyqtalǵan joq. Saraptama taǵaıyndaldy, sonyń qorytyndysy boıynsha protsessýaldyq sheshim qabyldanady. Polıtsııa departamentiniń basshylyǵy men jeke quramy óziniń áriptesi, polıtsııa podpolkovnıgi Turar Turaruly Dúısembınniń mezgilsiz qaıtys bolýyna baılanysty týystary men jaqyndaryna kóńil aıtady», - delingen habarlamada.
Aıta ketsek, budan buryn Aqmola oblysynda polıtsııa bólimi bastyǵynyń orynbasaryna izdeý jarııalanǵanyn jazǵan edik.