Aqmola oblysynda iz-túzsiz ketken sazger jigit aman tabyldy

KÓKShETAÝ. QazAqparat - Aqmola oblysynda eki kún buryn joǵalǵan 26 jastaǵy sazger aman tabyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Vedomstvonyń málimetinshe, er adamnyń joǵalǵany týraly aqparat BAQ jáne áleýmettik jelilerde taratylǵan.

Ony izdeýge Jarqaıyń aýdandyq polıtsııa bóliminiń jeke quramy men jergilikti volonterler jumyldyryldy.

Er adamdy búgin tańerteń jol boıynda ketip bara jatqan júrgizýshi kórip, óziniń tanystaryna aıtqan.

«Aldyn ala aqparat boıynsha, joǵalǵan er adam eki túndi kóshede ótkizgen. Oǵan qatysty zańsyz áreketter bolǵan joq. Qazirgi ýaqytta ol úıine jetkizildi», - dedi vedomstvodan.

Aıta ketsek, Aqmola oblysynda joǵalǵan 26 jastaǵy sazger eki kúnnen beri tabylmaı jatqanyn jarııalaǵan bolatynbyz.