Aqmola oblysynda «ıgi ister marafony» jalǵasýda
Jalpyulttyq joba barlyq aqmolalyqtardy biriktirdi-ár óńirde az qamtylǵan, kópbalaly otbasylardy, erekshe qajettiligi bar adamdardy, qıyn ómirlik jaǵdaıdaǵy balalardy, jalǵyz basty qarttardy qoldaýǵa baǵyttalǵan qaıyrymdylyq aktsııalary ótýde.
«30 ıgi ister marafony» estafetasyn Aqmola oblysy boıynsha Memlekettik kirister departamentiniń qyzmetkerleri de qoldady. Olar Sandyqtaý aýylyndaǵy jetim balalar men ata-anasynyń qamqorlyǵynsyz qalǵan balalarǵa arnalǵan jetimder úıine baryp, balalarǵa ertegiler jınaqtarynan bastap Qazaqstan týraly entsıklopedııalar men albomdarǵa deıingi túrli jastaǵy balalarǵa syılyqtar men zamanaýı kitaptar úlestirdi.
Sonymen birge, memlekettik kirister salasynyń qyzmetkerleri balalar úıiniń tárbıeshilerine, ata-anasynyń jylýynan aıyrylǵan tárbıelenýshilerge degen meıirimdi jáne jyly qarym-qatynasy úshin alǵys bildirdi.
Balalar úıinde balalardyń turýy, oqýy jáne tárbıelenýi, qyzyǵýshylyqtary boıynsha túrli sektsııalar men úıirmelerge qatysýy úshin barlyq turmystyq jaǵdaılar jasalǵan. Kishkentaı balalar syılyqtarǵa qýanyp qaldy. Alǵys retinde óz ónerlerin ortaǵa saldy.
«Balalar óte rıza boldy. Balalarǵa kóńil bólý olardy senim men meıirimdilikke tárbıeleıdi. Bizdiń tárbıelenýshilerimiz úshin osyndaı mereke syılaǵan Memlekettik kirister departamentine alǵysymyz sheksiz», - dep bólisti balalar úıiniń basshylyǵy.
Aıta keteıik, jyl basynan beri óńirde qaıyrymdylyq kómekpen 11 myńnan astam adam qamtyldy.