Aqmola oblysynda esse baıqaýynyń jeńimpazdary marapattaldy

KÓKShETAÝ. QazAqparat - Kókshetaýda «Qazaq halqynyń otbasylyq qundylyqtary men ádep-ǵuryptary» atty oblystyq esse baıqaýynyń júldegerlerin saltanatty marapattaý rásimi ótti, dep habarlaıdy QazAqparat tilshisi.

Atalmysh shara «Rýhanı jańǵyrý» baǵdarlamasyn iske asyrý jáne Qazaqstan Táýelsizdiginiń 30 jyldyǵyn merekeleý sheńberinde Aqmola oblysynyń ádilet departamenti, ishki saıasat, bilim, mádenıet, arhıvter men qujattamalar basqarmalary jáne Aqmola oblysynyń «Rýhanı jańǵyrý» óńirlik jobalyq keńsesiniń qoldaýymen «Volashaq Saraiy» saraıynda uıymdastyryldy.

Baıqaý otbasylyq qundylyqtardy, salt-dástúrlerdi dáripteý jáne nasıhattaý, qazaq halqynyń rýhanı jáne mádenı murasyna qurmetpen qaraýǵa tárbıeleý maqsatynda ótkizildi.

Konkýrsqa oblys boıynsha 350-den astam oqýshy qatysyp, bilim deńgeıin aıqyndady.

«Balalar óz oılaryn kórkem tilmen jetkizip, urpaqtan-urpaqqa berilip kele jatqan otbasylyq salt-dástúrlermen baılanystyra bildi, bul sondaı-aq ata-anaǵa mahabbat pen qurmet, otbasy múshelerine meıirimdilik, syılastyq kórsetý. Nátıjesinde 14 úzdik esse Kókshetaý, Stepnogor qalalary, Birjan sal, Bulandy, Atbasar, Qorǵaljyn, Aqkól aýdandary mektepteri oqýshylarynyń jumystary qazylar alqasy tarapynan oń baǵasyn aldy», - dep málim etti bilim basqarmasyndaǵylar.

Baıqaý júldegerleri uıymdastyrý komıtettiń estelik syılyqtary jáne alǵys hatymen marapattaldy.