Aqmola oblysynda «Erlikke taǵzym» onlaın jobasy iske qosyldy

KÓKShETAÝ. QazAqparat - Búgingi kúni óńirde jastar úshin kóptegen jobalar onlaı rejımde júzege asyrylýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Jeńistiń 75jyldyǵy qarsańynda Aqmola oblysynyń jastar resýrstyq ortalyǵynyń ınstagramǵa áleýmettik jelisinde «Erlikke taǵyzym» elektrondyq katalogyn bastap ketti.

«Týystarynyń erligi bul elektrondy katalogqa enýi úshin ár adam sýreti men tarıhy, maıdandaǵy erligi týraly málimetterdi jiberýleri tıis.Atalmysh portal jaqynda ǵana iske qosylǵanyna qaramastan oǵan jazylýshylar sany 1000 asyp otyr»,- deıdi ishki saıasat basqarmasyndaǵylar.

Uıymdastyrýshylardyń aıtýynsha, joba dańq estafetasyn jalǵastyryp, ata-babalarymyzdyń Jeńis úshin qosqan erlikterin kórsetýge múmkindik bermekshi.

«Biz ár adamnyń osy tarıhı dataǵa úlesin qostyryp, ardagerlerimizge «rahmet» aıtqymyz keledi. Búgingi óskeleń urpaq Jeńistiń qandaı kúshpen kelgenin bilýi tıis. Bul elimizdiń ár azamatynyń azamattyq paryzy»,- deıdi jastar resýrstyq ortalyǵynyń basshysy Anar Belgibaeva.

Jazylýshylar qajetti materıaldaryn joldap qana qoımaıdy, ıgi iskea alǵystaryn da bildirýde.

«Qazirgi zamańǵy osyndaı ıgisti qolǵa alyp otyrǵan ortalyqqa rızashylyǵymdy bildiremin. Bul elektrondy formattaǵy - sol Máńgilik polk. Biz osy ıgi bastama arqyly atalarymyzdyń erligi týraly, kóleńkede qalǵan ózge de batyrlarymyz týraly biletin bolamyz»,- QR Ulttyq gvardııasy qolbasshysynyń keńesshisi, polkovnık Dámeli Ibraeva.

Sonymen qatar, oblystyq jastar resýrstyq ortalyǵynyń jastary Otan qorǵaýshylar kúnine arnalǵan birqatar jobalardy iske qosýdy josparlap otyr.