Aqmola oblysynda er adam káriz qudyǵyna qulap kóz jumdy

KÓKShETAÝ. QazAqparat – Aqmola oblysynda 66 jastaǵy er adam káriz qudyǵyna qulap kóz jumdy, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, qaıǵyly jaǵdaı Shortandy aýdanyndaǵy aýyldardyń birinde bolǵan.

«Jazataıym oqıǵa túngi ýaqytta, jeke úıdiń aýlasynda boldy. Týystaryna qonaqqa kelgen 66 jastaǵy er adam káriz qudyǵyna qulaǵan. Qazirgi ýaqytta polıtsııa bólimi bolǵan oqıǵanyń mán-jaıyn anyqtaýǵa baǵyttalǵan tekserý is-sharalaryn júrgizip jatyr. Saraptama taǵaıyndaldy», - dedi vedomstvodan.

Aıta ketsek, budan buryn Aqmola oblysynda er adam toqqa túsip, mert bolǵanyn jazǵan edik.