Aqmola oblysynda er adam balany qutqaramyn dep sýǵa batyp ketti

ASTANA. QazAqparat – 1958 jyly týǵan er adam Şýche qalasy kóliniń qarama-qarsy jaǵynda batyp bara jatqan balany qutqaramyn dep, sýǵa ketti. Bala aman qaldy, dep habarlaıdy QazAqparat Aqmola oblysy Tótenshe jaǵdaılar departamentiniń baspasóz qyzmetine silteme jasap.

Oqıǵa ornyna kelgen qutqarýshylar er adamdy jaǵaǵa aparyp, jedel járdem kelgenge deıin júrekke massaj jasaý arqyly alǵashqy medıtsınalyq kómek kórsetti. Ókinishke qaraı, ony qutqarý múmkin bolmady.

Aqmola oblysy Tótenshe jaǵdaılar departamenti oblystyń turǵyndary men qonaqtaryna sýdaǵy qaýipsizdik erejelerin saqtaýdy eskertedi.

Aıta keteıik, buǵan deıin Býrabaı kóline batyp kete jazdaǵan ákeli-balaly eki er adam qutqarylǵanyn jazǵan edik. Ekaterınbýrgten kelgen týrıster qatty jeldiń kesirinen SUP-taqtasynan aýyp, sýǵa qulap ketken. Týrısterdi jergilikti qutqarýshylar qutqaryp, jaǵaǵa shyǵarǵan edi.