Aqmola oblysynda eki kompanııa qant baǵasyn sebepsiz kóterip jibergen
11:01, 13 Sáýir 2022
KÓKShETAÝ. QazAqparat - Aqmola oblysynda eki iri jetkizýshi kóterme saýdamen satylatyn qanttyń baǵasyn shekten joǵary kótergen, dep habarlaıdy QazAqparat tilshisi Básekelestikti qorǵaý jáne damytý agenttigine silteme jasap.
Bul Aqmola oblysy boıynsha monopolııaǵa qarsy departament qyzmetkerleri júrgizgen taldaý kezinde anyqtaldy.
«Taldaý qorytyndysy boıynsha eki iri kóterme saýda satýshysynyń is – áreketinde baǵany belgileý jáne (nemese) ustap turý bóliginde monopolııaǵa qarsy zańnamany buzý belgileri anyqtaldy», - dep jazdy agenttiktiń baspasóz qyzmetinen.
Qazir eki jetkizýshige qant baǵasyn negizdelgen deńgeıge deıin tómendetý qajettigi týraly habarlama jiberildi.