Aqmola oblysynda eki elik atyp alǵan brakonerler ustaldy

KÓKShETAÝ. QazAqparat – Aqmola oblysynda Sibir elikterin atyp alǵan brakonerler ustaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, 1 jeltoqsan kúni Zerendi aýdandyq polıtsııa bólimine jergilikti ańshylyq sharýashylyǵynyń ınspektorlary qońyraý shalyp, Barataı men Qyzylsaı aýyldarynyń arasynda zańsyz elik atý deregi anyqtalǵanyn habarlaǵan.

«Anyqtalǵandaı, ańshylyq sharýashylyǵynyń ınspektorlary men polıtsııa qyzmetkerleri «ÝAZ» avtokóligin toqtatqan. Kólikte 65 jastaǵy júrgizýshi men úsh jolaýshy boldy. Polıtseıler kólikti teksergen kezde ATA ARMS markaly bir uńǵyly myltyq, MR-153 markaly úsh uńǵyly myltyq tabyldy. Mashınanyń júksalǵyshynda oqtyń izderi bar eki sibir eliginiń ólekseleri anyqtaldy», - dep bólisti vedomstvodan.

Tártip saqshylary Qylmystyq kodekstiń 337-babynyń 3-shi bóligi «zańsyz ańshylyq» boıynsha sotqa deıingi tergeýdi bastady. Qajetti saraptamalar taǵaıyndaldy, onyń qorytyndysy boıynsha túpkilikti protsessýaldyq sheshim qabyldanady.

Aıta ketsek, jeltoqsannyń 1-nen bastap Aqmola oblysy aýmaǵynda respýblıkalyq «Aqbóken» jedel-aldyn alý sharasy ótip jatyr. Aktsııa barysynda polıtsııa qyzmetkerleri oblystyq orman jáne ańshylyq sharýashylyǵy aýmaqtyq ınspektsııasynyń ınspektorlarymen birlesip reıdter júrgizetin bolady.

Eske sala ketsek, Aqmola oblysynda «Gazel» jyraǵa qulap, bir adam kóz jumdy.