Aqmola oblysynda eki adam ıtti baýyzdaǵan

KÓKShETAÝ. QazAqparat - Aqmola polıtseıleri Atbasarda janýarlarǵa qatygezdik kórsetý faktisin anyqtady, dep habarlaıdy QazAqparat ІІM-ne silteme jasap.

Aǵymdaǵy jyldyń 7 sáýirinde Atbasar qalasynda ýchaskelik polıtsııa ınspektory jergilikti turǵyndardyń ıtti soıý faktisin anyqtady. Túnde eki adam kóshede ıtti baıqap, ony tamaqqa paıdalaný sheshimin qabyldaǵany aldyn-ala anyqtaldy.

«Qylmystyq nıetti júzege asyrý úshin olar janýardy pyshaqpen óltirip, etin múshelep, úıge alyp ketken, al qalǵan bólikteri oqıǵa ornynda qalǵan», - dep jazdy mınıstrlikten.

Bul fakt QR QK 316-baby 3-bóligi (janýarlarǵa qatygezdik) boıynsha sotqa deıingi tergep-tekserýdiń biryńǵaı tiziliminde tirkelgen.

Odan ári tergeý áreketteri barysynda ıttiń súıekteri tabylyp, tárkilendi, qala turǵyndary qylmys jasaǵanyn moıyndady. Qazirgi ýaqytta oqıǵany tergeý jalǵasýda, polıtseıler oqıǵanyń basqa jaǵdaılaryn anyqtaýda.