Aqmola oblysynda egin jınaý naýqany máseleleri jónindegi komıssııa quryldy
Memleket basshysynyń joldaýy aıasynda agroónerkásiptik keshendi damytýdyń mańyzdylyǵyn atap ótip, oblys ákimi shyǵyndardy azaıtý úshin barlyq sharalar qabyldanatynyn atap ótti.
«Eń bastysy – kún raıynyń jaqsarýyn paıdalanyp, egin jınaýdy uıymdasqan túrde aıaqtaý. Maǵan barlyq múddeli organdardyń qatysýymen birinshi orynbasarymnyń basshylyǵymen komıssııa qurý tapsyryldy, ol óz kezeginde problemalyq máselelerge taldaý júrgizedi jáne Úkimetke hat joldaıdy. Biz memleketke jáne oblys ákimi retinde maǵan baılanysty barlyq qajetti sharalardy qabyldaımyz. Memleket basshysy aýyl sharýashylyǵyn damytý jáne eldiń azyq-túlik qaýipsizdigin qamtamasyz etý mańyzdy bolyp tabylatyn ekonomıkanyń naqty sektoryna erekshe nazar aýdarady. Bizdiń oblys – iri agroónerkásiptik óńir. Sizder tek oblysty ǵana emes, eldi de tamaqtandyrasyz», - dep atap ótti M. Ahmetjanov.
Aıta keteıik, búginde egistik alqabynyń 16 paıyzy jınaldy.
Kezdesý barysynda «Sepe-1», «Bastaý», «Poltavka 2», «Qorjynkól-A» JShS dırektorlary jáne basqa da sharýa qojalyqtarynyń problemalaryn, onyń ishinde «Agrarlyq nesıe korporatsııasy» AQ, «Azyq-túlik korporatsııasy» AQ jáne basqa da qarjy uıymdarynyń sharttyq mindettemeleri jáne keptirý qondyrǵylaryna qosymsha otyn bólý týraly sóz qozǵady.
«Biz barlyq máselelerdi sheshýge jan-jaqty qaraımyz. Eń aldymen, astyqty keptirý úshin, otynmen qamtamasyz etý, elevatorlardyń táýlik boıy astyq qabyldaý jónindegi qyzmetin uıymdastyrý máselesin qarastyrý qajet. Barlyǵyn bir dánge deıin saqtaý kerek. Bizdiń oblysqa Aýyl sharýashylyǵy mınıstrligi qurǵan komıssııa shyǵady. Bılik pen qoǵamnyń sınergııasy bolýy kerek», - dep túıindedi aımaq basshysy.
Kezdesý sońynda qatysýshylar Marat Ahmetjanovqa qoldaý kórsetkeni jáne nazar aýdarǵany úshin alǵys bildirip, barlyq aıtylǵan máselelerdiń sheshilýine úmit bildirdi.