Aqmola oblysynda dúkender demalys jáne mereke kúnderi jumys isteıdi

KÓKShETAÝ. QazAqparat - Aqmola oblysynyń Bas memlekettik sanıtarlyq dárigeriniń «Aqmola oblysynyń aýmaǵynda karantın shekteý sharalaryn jeńildetý týraly» 2021 jylǵy 3 aqpandaǵy №11 qaýlysy şyqty, dep habarlaıdy QazAqparat tilshisi.

Osy qaýlyǵa sáıkes, mereke jáne demalys kúnderi saýda nysandary, sán salondary, monsha jumys isteıdi. Kınoteatrlar men teatrlar kórermender zalynda kelýshilerdi otyrǵyzý kezinde eki metr qashyqty saqtaı otyryp, tolymdylyǵy 20 paıyzdan aspaıtyn jaǵdaıda jumys isteýine ruqsat etiledi.

«Ashyq, jabyq azyq-túlik jáne azyq-túlik emes bazarlar demalys jáne mereke kúnderi tórt sharshy metrge bir adam keletinde áleýmettik qashyqty saqtaı otyryp jumys isteıdi», - dep kórsetilgen qaýlyda.

Sonymen birge, saýda úılerine sondaı-aq demalys jáne mereke kúnderi 30 paıyzdan artyq toltyrylmaǵan jaǵdaıda jumys isteýge etýge ruqsat etiledi. Kosmetologııalyq qyzmet kórsetetin obektiler úshin osyndaı ereje qoldanylady. Balalar oıyn alańdaryna, attraktsıondardyń jumysyna tyıym salynady. Qoǵamdyq monshalarǵa 50 paıyzdan aspaıtyn mólsherde jumys isteýge ruqsat etiledi. Saýnalardyń qyzmeti áli de demalys kúnderi shekteýli bolady. Sondaı-aq qalaaralyq avtobýs, shaǵyn avtobýs tasymaldaryna ruqsat etiledi.

«Bilim berý nysandaryndaǵy tamaqtaný qyzmeti bir mezgilde tamaqtaný zalynda otyratyn oryn sanynyń 50 paıyzynan aspaıtyn jaǵdaıda ruqsat etiledi. Mektep ashanalarynyń qyzmetkerleri PTR testileýden ótedi», - delingen qaýlyda.