Aqmola oblysynda «Dombyra» eskertkish kompozıtsııasy ornatyldy

KÓKShETAÝ. QazAqparat - Aqmola oblysynyń Birjan sal aýdanynda «Dombyra» kishi kompozıtsııasy ornatyldy, dep habarlaıdy QazAqparat tilshisi.

Ulttyq dombyra kúni qarsańynda Stepnıak qalasynyń ortalyq alańynda ornatylǵan eskertkish metaldan jasalǵan, bıiktigi 3,5 metrdi quraıdy.

Kompozıtsııanyń ashylýy saltanatyna «Nur Otan» partııasynyń jergilikti fılıaldarynyń músheleri, «Aqjaýlyq» klýbynyń ájeleri, BAQ ókilderi men qala turǵyndary qatysty.

Kókshetaý qalasynyń tanymal aqyny, ánshi jáne kompozıtor Iran sal Tasqara óziniń quttyqtaý sózinen keıin Birjan sal babamyzdyń ánderin qazaq, orys jáne  ýkraın tilderinde oryndady.

«Óskelen urpaqty ultjandylyqqa, rýhanı tereńdikke tárbıeleımiz desek, bul sharanyń máni orasan», - dedi quttyqtaý sózinde Birjan sal aýdany ákiminiń mindetin atqarýshy Ersaıyn Sabyrov.

Saltanatty shara Birjan sal atyndaǵy balalar mýzykalyq mektebinde óz jalǵasyn tapty.