Aqmola oblysynda Tserber koronavırýsynyń jańa shtammy anyqtaldy

KÓKShETAÝ. QazAqparat - Aqmola oblysynda koronavırýstyq ınfektsııamen syrqattanýshylyq boıynsha epıdemıologııalyq jaǵdaı salystyrmaly túrde turaqty, alaıda óńirde «Tserber» koronavırýsynyń jańa shtammy anyqtaldy. Bul týraly Aqmola oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına málimet etti, dep habarlaıdy QazAqparat tilshisi.

«Koronavırýstyq ınfektsııany anyqtaý boıynsha sońǵy ret PTR-testileýdiń 40-qa jýyq oń synamasy zertteldi, onyń ishinde bir synamada Qazaqstan aýmaǵynda anyqtalǵan BQ.1.1 «Omıkron» shtammynyń bir túri «Tserber» shtammy rastaldy», - dedi Aınagúl Mýsına.

Osy rette, óńirdiń bas memlekettik sanıtarlyq dárigeri aqmolalyqtarǵa sanıtarlyq-epıdemıologııalyq talaptardy saqtaýdy, adamdar kóp jınalatyn oryndarǵa barýdan bas tartýdy jáne ondaı jerlerde qorǵanys sharasy retinde betperde kııýdi eske salady.

Aıta ketsek, Aqmolada 14 jasqa deıingi balalar arasynda COVID juqtyrý ósken.