Aqmola oblysynda bıýdjetten jalaqy alatyndardyń tabysy 35% ósedi
Bul týraly «Nur Otan» partııasy Aqmola oblystyq fılıalynyń kezekten tys otyrysynda oblys ákiminiń orynbasary Qanat Ydyrysov málim etti, dep habarlaıdy QazAqparat tilshisi partııanyń baspasóz qyzmetine silteme jasap.
Kásiporyndar men uıymdardyń jalaqysy az jumysshylarynyń tabysyn arttyrý úshin úzbeı túsindirý jumystary jáne monıtorıng júrgizilip jatyr. 3 826 kásiporynnyń 23,5 myń jumysshysynyń jalaqysy kóbeıdi (buǵan deıin ortasha 54,7 myń teńgeni quraǵan aılyq jalaqy endi 68 myń teńge boldy, al jalaqy qory 3,8 mlrd teńgege artty).
«Respýblıkalyq bıýdjetten 2019 jyly 4,8 mlrd teńge bólindi, ol qarajat bıýdjettik uıymdardyń 32 myń jumysshysynyń - dárigerler, oqytýshylar, mádenıet jumysshylary, taǵy basqalardyń jalaqysy 35% ósedi (77 myń teńgeden 104 myń teńgege deıin)», - deıdi vedomstvo ókilderi.
Q. Ydyrysovtyń aıtýynsha, bul rette oblystyń aýdandyq ákimdikteriniń janynan qurylǵan úsh jaqty komıssııalar turaqty jumys istep otyr.
Oksana Matasova