Aqmola oblysynda bıýdjet kólemi 225,5 mıllıard teńgeni qurady
Bıylǵy jyldyń 10 aıyndaǵy áleýmettik-ekonomıkalyq damý jáne óńir bıýdjetiniń atqarylý qorytyndylary, sondaı-aq mindetti áleýmettik medıtsınalyq saqtandyrýdy engizýge daıyndyq barysy talqylanǵan jıynda aldymen oblystyq ekonomıka jáne bıýdjettik josparlaý basqarmasynyń basshysy Qanat Dúzelbaevtyń baıandamasy tyńdaldy. Ol atap ótkendeı, esepti kezeńde barlyq makroekonomıkalyq kórsetkishter oryndaldy. Naqty kólem ındeksi, aýyl sharýashylyǵy, ónerkásip óndirisiniń jıyntyq ónimi, ınvestıtsııalar, qurylys jumystary kólemi, turǵyn úılerdi paıdalanýǵa berý jáne basqa da kórsetkishter ósti.
Taldaý qorytyndysy boıynsha Ermek Marjyqpaev salalyq basqarmalarǵa aýdandar men qalalardyń ákimdikterimen birlesip «qarapaıym zattar ekonomıkasy» sheńberinde jeńildikpen kredıtteý máselesin pysyqtaýdy, óńdeý ónerkásibi kásiporyndarynyń qýattylyǵyn júkteýdi, qurylys jumystarynyń oń qarqynyn, adam kapıtalyn arttyrýǵa baǵyttalǵan is-sharalardyń oryndalýyn qamtamasyz etýdi tapsyrdy.
Bıýdjettiń atqarylý qorytyndysy týraly qarjy basqarmasynyń basshysy Talǵat Bóltenov baıandady. Bıýdjettiń kólemi 225,5 mıllıard teńgeni qurady. Shyǵys bóligi 98,4 paıyz deńgeıinde oryndaldy. Oblys ákimi bıýdjettik baǵdarlamalardyń ákimshilerine, aýdandar men qalalardyń ákimdikterine jyldyń qorytyndysy boıynsha qarjylardy tolyq ıgerýdi tapsyrdy.
Úshinshi másele boıynsha «Mindetti medıtsınalyq saqtandyrý qory» Aqmola oblysy boıynsha fılıalynyń dırektory Nurlan Aqylbekov baıandady. Búgingi tańda mindetti áleýmettik medıtsınalyq saqtandyrýdy engizý sheńberinde oblys boıynsha halyqtyń 77,4 paıyz ózektilendirildi. Saqtandyrylǵan tulǵanyń mártebesin anyqtaýǵa múmkindik beretin arnaıy aqparattyq júıe iske qosyldy. Aqmola oblysy boıynsha 2020 jyly 48,8 mıllıard teńge kóleminde qarjylandyrý josparlanyp otyr, ol 2019 jylǵy bıýdjetten 1,3 ese joǵary.
Ermek Marjyqpaev salalyq basqarmalarǵa derekterdi ózektilendirý boıynsha jumysty aıaqtaýdy, mindetti áleýmettik medıtsınalyq saqtandyrý máseleleri boıynsha túsinikteme berý jumystaryn jalǵastyrýdy tapsyrdy.