Aqmola oblysynda bıýdjet qarajatyn jymqyrǵan basqarma basshysy sottaldy
13:12, 21 Qańtar 2020
KÓKShETAÝ. QazAqparat - Aqmola oblysynda Aýyl sharýashylyǵy basqarmasynyń basshysy men orynbasary bıýdjet qarajatyn jymqyrǵany úshin sottaldy, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.
Aqmola oblysynyń Sybaılas jemqorlyqqa qarsy qyzmeti «Aqmola oblysy boıynsha aýyl sharýashylyǵy basqarmasy» MM-niń basshysy A.K.Saǵynbaev pen onyń orynbasary G.A.Ábdirahmanovaǵa qatysty bıýdjet qarajatyn ysyrap etý arqyly jymqyrý faktisi boıynsha sotqa deıingi tergeýdi aıaqtady.
2020 jyldyń qańtarynda Kókshetaý qalalyq sotynyń úkimimen A.K.Saǵynbaev pen G.A.Ábdirahmanova bıýdjet qarajatyn urlady dep aıyptalyp, árqaısysyna 2 147 450 teńge somasynda aıyppul salyndy jáne jáne memlekettik qyzmette laýazym ıelený quqyǵynan aıyrdy.