Aqmola oblysynda búldirshin 2-shi qabattaǵy terezden qulap ketti

KÓKShETAÝ. QazAqparat - Aqmola oblysynda qaraýsyz qalǵan 2 jastaǵy qyz abaısyzda 2-shi qabattaǵy terezden qulap ketti, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, bıylǵy jylǵy tamyzdyń 21-de Stepnogor qalalyq Polıtsııa basqarmasyna jedel járdem stantsııasynyń feldsheri habarlasyp, 2021 jyly týǵan jergilikti turǵynnyń aýrýhanaǵa «katajaraqat, jabyq bas súıegi jaraqaty, mı shaıqalý» dıagnozymen jetkizilgenin aıtqan.

«Belgili bolǵandaı, qaraýsyz qalǵan búldirshin abaısyzda moskıt toryn ıterip, ekinshi qabattaǵy terezeden qulaǵan. Osy derek boıynsha tekseris júrgizilýde», - dedi vedomstvodan.

Osy rette, tártip saqshylary ata-analar men qamqorshylardy balalarǵa muqııat bolýǵa jáne olardy ashyq terezelerde qaraýsyz qaldyrmaýǵa shaqyrady.

Aıta ketsek, budan buryn Aqmola oblysynda ata-anasynan kóz jazyp qalǵan bir jasar sábı sýǵa batyp kete jazdaǵanyn jazǵan edik.