Aqmola oblysynda boranda jolda qalǵan adamdar poıyzben evakýatsııalandy
Aqmola oblysy TJD baspasóz qyzmetiniń málimetinshe, «Nur-Sultan-Ereımentaý-Shiderti» avtojolynda qar qursaýynda qalǵan 105 adam, onyń ishinde 28 bala jyltý oryndaryna evakýatsııalandy.
«Aqmola jáne Pavlodar oblystarynyń shekarasyndaǵy Ereımentaý aýdany aýmaǵynda qatty burqasyn bolyp, avtojoldarda kólik qozǵalysyn qıyndatty. «Nur-Sultan-Ereımentaý-Shiderti» avtojolynda boranda jolda qalǵan adamdar jylytý oryndary men turǵyn úılerge jaıǵastyryldy. Keıin olar Óleńti stantsııasy arqyly QR «QTJ» UK» AQ-nyń poıyzymen turǵylyqty jerlerine jiberildi. Jalpy, buǵan deıin Óleńti stantsııasyna poıyz aıaldamaıtyn edi. Bul joly qutqarýshylar men jergilikti atqarýshy organdardyń QR «QTJ» UK» AQ-men aradaǵy ýaǵdalastyq arqyly júzege asyrylyp otyr», - dedi TJD baspasóz qyzmetinen.
Evakýatsııalanǵandardyń biri Ǵalııa Qydyrova qıyn jaǵdaıda jedel kómek kórsetken Ereımentaý aýdanynyń turǵyndary men qutqarýshylaryna, sondaı-aq, jergilikti atqarýshy organdardyń qyzmetkerlerine alǵysyn bildirdi.
«Ereımentaýlyqtarǵa shynaıy alǵysymdy bildiremin. Olar bizdi qutqaryp qana qoıǵan joq, úılerine ornalastyryp, ystyq tamaqpen qamtamasyz etti. Keıin poıyzǵa otyrǵyzyp úıimizge shyǵaryp saldy», - deıdi ol.
«Qazgıdromet» RMK málimetinshe, naýryz aıynyń sońyna deıin óńirde turaqsyz aýa raıy saqtalady. Tek sáýir aıynyń birinshi onkúndiginiń sońyna qaraı kún jylyna bastaıdy.
Sol sebepti, Aqmola oblysynyń TJD qyzmetkerleri óńir turǵyndaryna aýa raıynyń jaısyzdyǵyn eskertip, eldi mekenderden tys jerlerge shyqpaýdy suraıdy.