Aqmola oblysynda bıyl 90 adamdy kene shaqqan

KÓKShETAÝ. QazAqparat – Aqmola oblysynda epıdemıologııalyq maýsym bastalǵannan beri kene shaǵýdyń 90 jaǵdaıy tirkeldi. Bul týraly oblystyń bas memlekettik sanıtar dárigeri Aınagúl Mýsına málim etti, dep habarlaıdy QazAqparat tilshisi.

«Aqmola oblysynda epıdemıologııalyq maýsym bastalǵannan beri kene shaǵýdyń 90 jaǵdaıy tirkeldi. Onyń ishinde 14 jasqa deıingi balalar arasynda 40 jaǵdaı», - deıdi Aınagúl Mýsına.

Oblystyń bas memlekettik sanıtarlyq dárigeriniń aıtýynsha, Sandyqtaý aýdany 2018 jyldan bastap kene entsefalıti boıynsha endemıkalyq aımaq sanalady.

«Sońǵy eki jylda kene entsefalıtiniń 7 jaǵdaıy tirkeldi, onyń ishinde 2020 jyly 5 jaǵdaı (Kókshetaý-1, Sandyqtaý-3, Zerendi-1), 2021 jyly - 2 jaǵdaı Zerendi aýdanynda. Jeti jaǵdaıdyń úsheýi (43 paıyzy) endemııalyq Sandyqtaý aýdanynda jáne tórteýi (47% ) endemııalyq emes aýdandarda tirkelgen. Jyl saıyn Sandyqtaý aýdanynyń 4 aýyldyq okrýginiń aýmaǵynda eki kezeńde (kóktem jáne kúz) kenege qarsy sharalar júrgiziledi», - dep tolyqtyrdy Aınagúl Mýsına.

Aıta ketsek, Aqmolada taǵy bir aýylda 1 myńǵa jýyq bas mal beımálim dertke shaldyqty.