Aqmola oblysynda birqatar departament basshylary taǵaıyndaldy

KÓKShETAÝ. QazAqparat - Aqmola oblysynda birqatar departamentterdiń basshylary taǵaıyndaldy. Bul týraly jergilikti BAQ jazdy, dep habarlaıdy QazAqparat tilshisi.

Rýslan Sattaruly Qasymov Aqmola oblysy boıynsha qorǵanys isteri jónindegi departamenttiń bastyǵy bolyp taǵaıyndaldy.

Rýslan Qasymov 1976 jyly týǵan. Eki joǵary bilimi bar. Mamandyǵy - ekonomıst-zańger. Ár jyldary Qazaqstan Respýblıkasy Qorǵanys mınıstrliginde jaýapty qyzmetter atqardy. Jańa laýazymyna deıin Aqmola  oblystyq qorǵanys isteri jónindegi departament basshysynyń birinshi orynbasary bolyp qyzmet istedi.

Sonymen qatar, Dúısenbek Qapparuly Áýbákirov Aqmola oblysy boıynsha memlekettik ishki aýdıt departamentiniń basshysy boldy.

Dúısenbek Áýbákirov 1962 jyly týǵan. Eki joǵary bilimi bar. Mamandyǵy - zańger-ekonomıst. Qazaqstan Respýblıkasy Qarjy mınıstrligi qarjylyq baqylaý komıtetiniń basqarma basshysy, Soltústik Qazaqstan oblysy jáne Astana qalasy boıynsha qarjylyq baqylaý ınspektsııasynyń jetekshisi  qyzmetterin atqardy. Buǵan deıin  Qarjy mınıstrligi Memlekettik satyp alý jónindegi komıtet tóraǵasynyń orynbasary bolǵan.