Aqmola oblysynda birinshi ret jas pedagogtardyń forýmy ótti

KÓKShETAÝ. QazAqparat - Aqmola oblysynda jas pedagogtardyń forýmy ótti. Birinshi ret uıymdastyrylyp otyrǵan forýmda təjirıbeli pedagogtar jas izbasarlaryna sheberlik synybyn ótkizdi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Elbasy óz Joldaýynda keler 2019 jyly «Muǵalim mártebesi týraly» Zań qabyldaýdy tapsyrǵan bolatyn. Bilim berý salasynda jumys isteıtin aqmolalyq jas mamandar Elbasy bastamasyn qoldaıdy jəne jańa formatta jumys isteýge bar kúsh-jigerin qosýǵa daıyn.

Aqmola oblysy jas pedagogtarynyń «Pedagogıkalyq debıýt» forýmyna jalpy bilim beretin mektepter, tehnıkalyq jəne kásibı bilim berý mekemeleri, bilim berý uıymdarynyń ədiskerlerinen quralǵan 100-ge jýyq maman qatysty.

«Jas muǵalimderge təjirıbeli pedagogtar: «Úzdik pedagog-2018» respýblıkalyq baıqaýynyń jeńimpazdary Dana Ysqaqova jəne Natalıa Semkına, «Qazaq tili men ádebıetiniń eń úzdik ustazy» oblystyq baıqaýynyń jeńimpazy Damır Suraǵanov, fızıka, matematıka jəne ınformatıka páni boıynsha ótken 6-shy respýblıkalyq baıqaýda 3-shi dərejeli dıplomnyń ıegeri atanǵan Baıan Muhıdenova sheberlik synybyn ótkizdi», - dep túsindirdi vedomstvodan.

Forým sheńberinde dıstantsııalyq baıqaý ótip, onda jas pedagogtar ózderiniń jumysy týraly portfolıo jəne beınematerıaldar usyndy.

Baıqaý qorytyndysy boıynsha jeńimpazdar I, II, III dərejeli dıplom, «Іsker pedagog», «Ónerli pedagog», «Jańashyl pedagog» atalym-sertıfıkattarymen marapattaldy.