Aqmola oblysynda bilim bóliminiń basshysy jaýapkershilikke tartyldy

KÓKShETAÝ. QazAqparat - Aqmola oblysy boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń Ádep jónindegi keńesiniń kezekti otyrysy ótti. Onda birqatar memleketttik qyzmetshilerdiń tártiptik isteri qaraldy, dep habarlaıdy QazAqparat tilshisi.

Atap aıtqanda, balabaqsha meńgerýshisiniń laýazymyna  baıqaý ótkizý kezinde zań buzýshylyqqa jol bergen Bulandy aýdandyq bilim bóliminiń basshysy B.Esmurzına men bas mamany Ý.Aıapbergenova kináli dep tanyldy. Olar «QR Memlekettik qyzmet týraly» Zańnyń 50-baby 1-bóligi 4-tarmaqshasyna sáıkes, qyzmetine tolyq saı emestigi týraly eskertý aldy.

Sondaı-aq vedomstvonyń baspasóz qyzmetinen málim etkendeı, tártiptik keńeste Aqmola oblysynyń Aýyl sharýashylyǵy basqarmasynda júrgizilgen tekseristiń qorytyndysy shyǵaryldy. Basqarmada memlekettik qyzmet týraly zańnama salasynda birqatar zań buzýshylyqtar oryn alǵany anyqtaldy. Keńes barysynda óńirlik Aýyl sharýashylyǵy basqarmasynyń basshysy D.Talasbaevtyń qyzmetik tártipti nyǵaıtý, jemqorlyqty eskertý jəne qyzmettik ədep normalarynyń buzylýyn aldyn alý boıynsha jumystardyń qorytyndysy týraly esebi tyńdaldy.

Sonymen qatar, Aqmola oblystyq memlekettik kirister departamenti basshysynyń  mindetin atqarýshy B.Shəıkenov jemqorlyqpen kúres baǵytynda atqarylyp jatqan jumystar týraly málim etti.