Aqmola oblysynda benzınnen ýlanǵan 14 jasar bala kóz jumdy

KÓKShETAÝ. QazAqparat - Aqmola oblysynda 14 jasar jasóspirim benzınge ýlanyp, kóz jumdy, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, bul týraly maýsymnyń 8-de saǵat 15:00-de Bulandy aýdandyq polıtsııa bólimine aýdandyq aýrýhananyń medbıkesi telefonmen habarlap aıtqan.

«Medbıkeniń sózinshe, 2008 jyly týǵan jergilikti turǵyn «benzınnen ýlaný» dıagnozymen medıtsına mekemesine jetkizilgen. Jasóspirim aýrýhanada qaıtys boldy. Qazirgi ýaqytta tergeýshiler oqıǵa ornyn tekserip jatyr. Sot-medıtsınalyq saraptama taǵaıyndaldy», - dedi vedomstvodan.

Departamenttiń baspasóz qyzmetinen atap ótkendeı, polıtsııa qyzmetkerleri yqtımal kýágerlerden surap, qaıǵyly oqıǵanyń mán-jaıyn anyqtap jatyr.

Sonyń qorytyndysy boıynsha protsessaýldyq sheshim qabyldanady.

Munyń aldynda Kókshetaýda úıinen ketip qalǵan jasóspirim bes kún boıy Petropavl kóshelerinde túnegen edi.