Aqmola oblysynda bastaýysh synypta oqıtyn 59 myńnan astam bala tegin tamaqtanady

KÓKShETAÝ. QazAqparat – Aqmola oblysynda bastaýysh synypta oqıtyn 59 myńnan astam bala tegin tamaqtanady. Bul týraly jýrnalıstermen ótken brıfıngte oblystyq bilim basqarmasynyń basshysy Shokan Orazalın málim etti, dep habarlaıdy QazAqparat tilshisi.

Basqarma basshysynyń málimetinshe, qazir óńirdiń bilim berý mekemelerinde oqýshylardy tamaqtandyrýdy uıymdastyrýǵa daıyndyq jumystary júrgizilip jatyr. Aqmola oblysynda oqýshylardy tamaqtandyrý barlyq jalpy bilim beretin memlekettik mektepterde uıymdastyrylady.

«Bıyl Memleket basshysynyń tapsyrmasy boıynsha Aqmola oblystyq máslıhaty sessııasynyń sheshimimen bastaýysh synyp oqýshylaryn tegin tamaqtandyrýdy qamtamasyz etýge qosymsha 1,4 mlrd teńge somasynda qarjy bólindi. Osylaısha, 2023 jyldyń 1 qyrkúıeginen bastap barlyq bastaýysh synyp oqýshylary, bul degenimiz 59 myńnan astam bala oblys mektepterinde tegin tamaqtanatyn bolady», - dedi Shoqan Orazalın.

Sonymen birge, basqarma basshysy atap ótkendeı, bıyl 1 shildeden bastap óńirde mektepke deıingi bilim berý uıymdarynda halyqtyń áleýmettik osal toptary sanatyndaǵy mektep jasyna deıingi balalar tegin tamaqtanyp jatyr.

Aıta ketsek, budan buryn bıyldan bastap aýtızmge shaldyqqan balalar sanatorııde tegin demalatynyn jazǵan edik.