Aqmola oblysynda baspa isiniń damýy talqylandy

KÓKShETAÝ. QazAqparat - Kókshetaýda Qazaqstan Respýblıkasy Táýelsizdiginiń 30 jyldyǵyna arnalǵan «Táýelsizdik jyldaryndaǵy qazaq baspasóz isiniń jetistikteri men kemshilikteri» taqyrybynda dóńgelek ústel ótti, dep habarlaıdy QazAqparat tilshisi oblystyq ishki saıasat basqarmasynyń baspasóz qyzmetine silteme jasap.

Oflaın jáne onlaın formatta ótken sharaǵa aýdandyq kitaphana qyzmetkerleri, kitap shyǵarýshylar, oqytýshylar men shyǵarmashylyq ıntellıgentsııa qatysty. Konferentsııany M.Jumabaeva atyndaǵy oblystyq ámbebap ǵylymı kitaphananyń buqaralyq jumys jáne qoǵammen baılanys bóliminiń qyzmetkeri Maral Áljanova júrgizip otyrdy. Dóńgelek ústel barysynda qatysýshylar ózekti máselelerdi talqylap, baspa tarıhyna toqtaldy. Sondaı-aq qazaqstandyq baspa isiniń jaǵdaıy men Táýelsizdik jyldaryndaǵy jetistikter týraly óz pikirlerimen bólisti.

«Egemendik jyldarynda baspalar sany ondaǵan ese ósti, bul qazirgi Qazaqstannyń shyǵarmashylyq ıntellıgentsııasynyń, sondaı-aq memlekettiń qoldaýynyń úlken eńbegi. Uıymdastyrýshylarǵa osyndaı mańyzdy is-sharany ótkizgeni úshin rahmet, onda biz ózekti máselelerdi ǵana emes, sonymen qatar bizdiń salanyń damý perspektıvalaryn da talqylaı alamyz», - dep bólisti dóńgelek ústelge qatysýshy.

Vedomstvonyń baspasóz qyzmetiniń málimetinshe, búginde Aqmola oblysynyń kitaphanalary elimizdiń egemendik jyldary qurylǵan 60-tan astam iri baspalarymen yntymaqtasady.