Aqmola oblysynda balyq ósiretin keshen salynady

KÓKShETAÝ. QazAqparat – Aqmola oblysynda baqtaq (forel) balyǵyn ósiretin keshen salynady. Balyq sharýashylyǵy Aqmola oblysynyń agroónerkásip kesheni qurylymynda bazalyq sala bolýy tıis, dep habarlaıdy QazAqparat tilshisi oblystyq Іshki saıasat basqarmasyna silteme jasap.

Aýyl sharýashylyǵy basqarmasynyń málimetinshe, óńirde jyldyq qýaty 500 tonna baqtaq balyǵyn ósiretin jabyq tıptegi keshen salynyp jatyr. Joba amerıkandyq «AGSO Corporation» kompanııasyn tartý arqyly júzege asyrylýda. Balyq sharýashylyǵy úshin Qorǵaljyn aýdany aýmaǵynda 100 gektar jer telimi bólingen. Qazirgi kezde, atalǵan aýmaqta topografııalyq túsirilim jáne geologııalyq jumys júrgizildi.

«Qarjylandyrý úshin birinshi transh bólindi. Qazirgi kezde jobany beıimdeý, ıaǵnı nysannyń eskızi kelisilip, elektr jelisi úshin tartý úshin tehnıkalyq ruqsat alý jumystary júrgizilip jatyr. Jaqynda aýmaqta asfalt tóseý jáne kógaldandyrý jumystary bastalady. Joba 2021 jyldyń ekinshi toqsanynda tolyq júzege asyrylady», - deıdi «Taga Group» JShS dırektory Serik Tánkıev.

Óńirde balyq sharýashylyǵy forel ósirýmen ǵana shektelmeıdi, oblys aýmaǵynda joǵary sapaly balyq satatyn saýda núkteleri bar.

Aıtalyq, Qorǵaljyn aýdany flora jáne faýnaǵa baı kórkem óńir. Munda ıÝNESKO-nyń qorǵaýyndaǵy álemde teńdesiz qoryq ornalasqan. Endi óńir baı ıhtıofaýnasymen tamsandyra alady.