Aqmola oblysynda balalardyń jazǵy demalysy qalaı uıymdastyrylmaqshy
Basqarma basshysy orynbasarynyń aıtýynsha, qazirgi ýaqytta oblysta 1-10 synyptardyń 131 045 oqýshysy bar, onyń ishinde 17 508 bala - halyqtyń áleýmettik osal toptarynan, 397 bala ıývenaldy polıtsııada, 400 oqýshy mektepishilik esepte, 878 kámeletke tolmaǵan bala turmysy nashar otbasylarda tárbıelenýde.
«Balalardyń jazǵy demalysyn uıymdastyrý úsh baǵyt boıynsha júrgiziledi. Qala syrtyndaǵy demalys 13 balalar saýyqtyrý ortalyǵynyń bazasynda júzege asyrylady, onyń 8 memlekettik bolsa, 5 jekemenshik. Memlekettik lagerler Atbasar, Aqkól, Zerendi, Býrabaı, Ereımentaý, Sandyqtaý jáne Soltústik Qazaqstan oblysynyń Aıyrtaý aýdanynda jumys isteıdi. Jeke lagerler Býrabaı jáne Zerendi aýdandarynda ornalasqan. Qala syrtyndaǵy 13 lager bir maýsymda 2150 balany qabyldaı alady. ıAǵnı, jaz boıy barlyǵy 6-7 aýysym uıymdastyrylady, onyń ár bireýiniń uzaqtyǵy 7-10 kúndi quraıdy», - dep Botakóz Dúısenova.
Basqarma basshysy atap ótkendeı, memlekettik lagerlerge joldamanyń ortasha quny 35-105 myń teńgeni, jekemenshikke – 90-110 myń teńgeni quraıdy. Bıylǵy jylǵy joldama quny 2022 jylmen salystyrǵanda 20-25 paıyzǵa ósip otyr.
Jaz boıy respýblıkalyq jáne oblystyq qala syrtyndaǵy lagerlerde 12 700-ge jýyq aqmolalyq oqýshyny demalatyn bolady. Bul rette 1500 oqýshy tegin demalady.
«Jalpyǵa birdeı bilim berý qorynan joldama satyp alýǵa halyqtyń áleýmettik osal toptaryndaǵy balalar úshin shamamen 85,5 mıllıon teńge qarjy josparlanǵan. Qala syrtyndaǵy lagerlerde az qamtylǵan otbasylardan shyqqan balalardyń demalýyna bıýdjet tapshylyǵy 1 mıllıon 280 myń teńgeni quraıdy. Sonymen qatar, jazǵy kezeńde oblystyń 450 oqýshysy «Baldáýren» respýblıkalyq ortalyǵynyń fılıaldaryna barady», - dep tolyqtyrdy Botakóz Dúısenova.
Sonymen qatar, 5 maýsymnan bastap áleýmettik osal toptaǵy 150 bala «Zvezdnyı» balalardy saýyqtyrý ortalyǵy bazasynda saýyqtyrylady. Bilim mınıstrligimen birlesip «Qazaqstan halqyna» qorynyń qarajatynan Aqmola oblysynyń aýyldyq jerlerinen 5-8 synyptardyń 640 oqýshysyna tegin demalys uıymdastyrý týraly másele pysyqtaldy. Bul oqý úzdikteri, shyǵarmashylyq jáne zııatkerlik baıqaýlar men festıvalderdiń jeńimpazdary. Osylaısha, áleýmettik osal toptardan 2100 oqýshy qala syrtyndaǵy demalyspen qamtylatyn bolady.
«Qala syrtyndaǵy demalysqa qosymsha 5 maýsymnan bastap mektepter janynan 70 myńǵa jýyq balany qamtıtyn mektep janyndaǵy 500-den astam alań uıymdastyrylady. Áleýmettik osal toptaǵy balalarǵa arnalǵan mektep janyndaǵy lagerde tamaqtaný Memlekettik qyzmet arqyly beriledi, qalǵan balalar ata-analaryna aqy tóleý esebinen tamaqtanady», - dep tolyqtyrdy Botakóz Dúısenova.
Sonymen birge, Elordanyń 25 jyldyǵyna arnalǵan is-sharalardy ótkizý sheńberinde halyqtyń áleýmettik osal toptarynan 50 balanyń Astana qalasyna ekskýrsııaǵa shyǵýy uıymdastyrylmaqshy.
Aıta ketsek, budan buryn bıyl Aqmola oblysynda 60 eldi mekenniń eski ataýy qaıtarylatynyn jazǵan edik.