Aqmola oblysynda avtoservıs mehanıgi urlaǵan avtokólikpen jol apatyna ushyrady
Oblystyq Polıtsııa departamenti baspasóz qyzmetiniń málimetinshe, bıylǵy 2 jeltoqsanda keshki saǵat 20:13-te Býrabaı aýdandyq PB kezekshi bólimine jergilikti turǵyny júginip, tehnıkalyq qyzmet kórsetý stantsııasyna jóndeýge aparǵan kóliginiń urlanǵanyn aıtqan.
«Anyqtalǵandaı, tehnıkalyq qyzmet kórsetý stansasynyń 31 jastaǵy mehanıgi mas kúıinde aryz ıesine tıesili «Nıva» markaly avtokóligin TQS aýmaǵynan aıdap áketken. Kúdikti avtokólikpen júrip, jedel basqarý ortalyǵynyń syrtqy beınebaqylaý kamerasynyń tiregine zaqym keltirip, jol-kólik oqıǵasyn jasaǵan», - dedi vedomstvodan.
Qazirgi kezde, osyǵan baılanysty Býrabaı aýdandyq polıtsııa bólimi Qylmystyq kodekstiń 200-shi babynyń 1-shi bóligi «avtomobıldi urlaý maqsatynsyz zańsyz ıelený» boıynsha sotqa deıingi tergeý sharalary qolǵa alyndy.