Aqmola oblysynda aýyz sý synamalarynyń 8,2% talapqa saı bolmady
Oblystyq sanıtarııallyq-epıdemıologııalyq baqylaý departamentiniń málimetinshe, óńirde aýyz sýdyń sapasyna mıkrobıologııalyq kórsetkishter boıynsha turaqty negizde baqylaý júrgizilip turady.
«Ótken aptada oblysta aýyz sýǵa qatysty mıkrobıologııalyq kórsetkishter boıynsha 73 synama zertteldi, onyń ishinde 6 synama (8,2 paıyzy) gıgıenalyq normatıv talaptaryna saı kelmeıdi. Sýdy únemi tutyný adam aǵzasyna qajet. Alaıda, árbir sý kózi sanıtarlyq qyzmetterdiń belgilengen talaptaryna saı kele bermeıdi», - dedi vedomstvonyń baspasóz qyzmetinen.
Departament mamandarynyń aıtýynsha, sý qubyry jáne aǵyndy sýlarda patogendi mıkroorganızmderdiń bolýy sý sapasynyń tómendeýine jáne túrli aýrýlarǵa ákelip soǵýy múmkin.
«Sý adamnyń ál-aýqatyna, aǵzasynyń jumysyna, sondaı-aq ómir súrý uzaqtyǵyna tikeleı áser etedi. Sol sebepti epıdemıologııalyq jaǵdaıdyń nasharlaýyna jol bermeý jáne sý jolymen beriletin jappaı juqpaly aýrýlardyń aldyn alý maqsatynda sýdy qaınatyp nemese shólmektegi sýdy ishý, taǵam daıyndaý, kókónisterdi, jemisterdi jýý úshin tazartylǵan sýdy paıdalaný, qoldyń qarapaıym gıgıenalyq erejelerin saqtaý, ýlaný belgileri bolǵan jaǵdaıda medıtsınalyq kómekke júginý tárizdi qarapaıym qaǵıdalardy saqtaý qajet», - dep tolyqtyrdy vedomstvodan.