Aqmola oblysynda «Aýyldyń gúldenýi-Qazaqstannyń gúldenýi» forýmy ótti
Tselınograd aýdanynyń jastar resýrstyq ortalyǵy men ishki saıasat bólimi uıymdastyrǵan forýmǵa 50-den astam adam, onyń ishinde derbes bólimderdiń, aýmaqtyq qurylymdar men vedomstvolardyń jas mamandary, volonterlik uıymdar men birlestikterdiń músheleri, sondaı-aq stýdentter qatysty.
Aýdan ákimi Bahıdbek Ospanbekov quttyqtaý sózinde osyndaı is-sharalar jastardy biriktirip, olardyń qoǵamdyq belsendi bóligine aınalýyna múmkindik beretinin atap ótti.
«Búginde jastar bizdiń qoǵamnyń eń bastamashyl, talantty jáne maqsatker bóligi bolyp tabylady, onyń jarqyn jetistikterin búkil Qazaqstan maqtan tutady jáne súısinedi. Mańyzdy bilim berý jáne ǵylymı jobalar, tabysty startaptar, sporttyq medaldar, shyǵarmashylyq baıqaýlardaǵy jeńister sizdiń durys jolda ekenińizdi únemi rastaıdy», - dep atap ótti B.Ospanbekov.
Aýdan ákimi atap ótkendeı, búgingi tańda Tselınograd aýdanynda 14-29 jas aralyǵyndaǵy jastar sany 16890 adamdy quraıdy. Táýelsizdiktiń alǵashqy kúnderinen bastap memleket jastar máselelerine erekshe kóńil bólip keledi. «Jumyspen qamtýdyń jol kartasy», «Dıplommen aýylǵa» jáne basqa da baǵdarlamalar jastardyń qajettilikteri men qabiletterin ózin-ózi anyqtaý jáne iske asyrý úshin jaǵdaı jasaýǵa, kásibı ósýge baǵyttalǵan. Aýdan ákimi jas urpaqqa sarqylmas qýat, óz kúshine senimdilik jáne barlyq bastamalaryna sáttilik tiledi.
Aýdan basshysynyń qolynan eń belsendi Tselınograd turǵyndary azamattyq qoǵam men memlekettik jastar saıasatyn damytýǵa qosqan úlesi úshin alǵys hattarǵa ıe boldy. Merekelik is-shara aýdandyq Mádenıet úıi ártisteriniń kontserttik baǵdarlamasyna jáne Qoıandy aýylyndaǵy «Artschool» stýdııasynyń bı ujymynyń oryndaýyndaǵy vokaldyq jáne horeografııalyq kompozıtsııalaryna jalǵasty.