Aqmola oblysynda aýyl sharýashylyǵyn qoldaý boıynsha membaǵdarlamalar júzege asyrylýda

KÓKShETAÝ. QazAqparat - Táýelsizdik jyldarynda kásipkerlik sýbektilerin qurý jáne qoldaý, sonyń ishinde aýyl sharýashylyǵymen aınalysý úshin qolǵa alynǵan memlekettik baǵdarlamalardyń arqasynda aqmolalyq kásipkerler kásibin dóńgeletip otyr, dep habarlaıdy QazAqparat tilshisi oblystyq ishki saıasat basqarmasyna silteme jasap.

Osy rette, «Sybaǵa» baǵdarlamasyna qatysqan «Vıktor» sharýa qojalyǵynyń basshysy Vadım Vıtt 20 jyldan beri eginshilikpen birge mal sharýashylyǵyn da qatar alyp keledi. 2019 jyly Vadım Vıktorovıch «Sybaǵa» baǵdarlamasy boıynsha «Sımmental» asyl tuqymdy iri qara mal satyp alýǵa nesıe aldy, sol jyly 47 bas kóleminde alǵashqy partııasyn ákeldi.

Jaqynda Germanııadan 50 bas asyl tuqymdy iri qara mal aldyrdy. Sonyń esebinen sharýa qojalyǵynda qosymsha jumys oryndary quryldy.

«Sıyrlardy saýamyz, qaımaq, maı, súzbe, irimshiktiń eki túrin óndiremiz. Sondaı-aq, biz sútti Atbasar, Kókshetaý jáne Nur-Sultan tárizdi qalalarǵa ótkizemiz. Bıyl 100 basqa arnalǵan zamanaýı taýarly sút fermasyn salý josparda bar», - deıdi kásipker.

Mal sharýashylyǵyndaǵy shaǵyn jáne orta kásiporyndardy qoldaý jónindegi jobalardy iske asyrýdyń arqasynda egemendik jyldary óńirdiń aýyl sharýashylyǵyndaǵy jalpy ónim kólemi júzdegen esege ósti.

Aıta keteıik, búginde oblysta mal bordaqylaýda respýblıka boıynsha eń úlken áleýet bar – bir mezgilde 36,5 myńnan astam iri qara mal ustaýǵa bolady.