Aqmola oblysynda aýyl balalaryna arnalǵan fýtbol týrnıri ótedi

KÓKShETAÝ. QazAqparat - Aqmola oblysynda aýyl balalaryna arnalǵan Sun Finance Cup kezekti fýtbol týrnıri ótedi. Týrnır 19 qyrkúıek kúni bastalady, dep habarlaıdy QazAqparat.

Jarysqa barlyǵy 8 komanda, ıaǵnı 100 bala qatysady.

Bul Mańǵystaý jáne Aqtóbe oblysynan keıin uıymdastyrylyp otyrǵan úshinshi aımaqtyq týrnır. Jeńimpazdarǵa baǵaly syılyqtar tabystalady.

Odan ózge «Úzdik bombardır», «Úzdik qaqpashy», «Úzdik qorǵaýshy», «Úzdik shabýylshy» jáne «Úzdik oıynshy» nomınatsııalary boıynsha úzdik oıynshylar anyqtalyp, marapattalady.

Jalpy #aýylfýtbol jobasy 2020 jyldyń qańtar aıynda Almaty oblysynyń Raıymbek aýylynda bastalǵan bolatyn.

Belgili jýrnalıst, áleýmettik belsendi Serik Mámbetov aýyl balalary arasynda buqaralyq sportty nasıhattaýǵa, onyń ishinde fýtboldy damytýǵa tikeleı bastamashy bolyp keledi.

Jobanyń negizgi ıdeıasy - aýyldaǵy balalar fýtbol komandalaryna qoldaý jasaý.