Aqmola oblysynda aýrýhanadan qashyp ketken 13 jasar qyz tabyldy
Vedomstvonyń málimetinshe, 14 aqpanda Kókshetaý qalalyq polıtsııasyna Sandyqtaý aýylynyń turǵyny 13 jasar Eleonora Aıashevanyń joǵalǵany týraly habar tústi.
Belgili bolǵandaı, joǵalǵanǵa deıin jasóspirim kópsalaly oblystyq balalar aýrýhanasynda jatqan, keshki saǵat 18:50 shamasynda ruqsatsyz shyǵyp ketken.
«Joǵalǵan qyzdyń belgileri men fotosýretteri bar baǵdar polıtsııa departamentiniń barlyq aýmaqtyq bólimshelerine jáne áleýmettik jelilerge taratylady. Jedel izdeý sharalary barysynda qyz Aqkól qalasynan tabyldy. Kókshetaýdan eki júz shaqyrym eldimekenge taksımen jetken. Ýchaskelik polıtsııa ınspektorlarynyń kóligin kórip, jaqyn mańdaǵy dúkenge qaraı júgirgen qyz tártip saqshylarynyń kózine túsken», - dedi vedomstvodan.
Qyzdyń sózinshe, ol Aqkólge 14 aqpanda jetip, dosynyń úıinde túnegen.
«2022 jyldyń jeltoqsanynda qyzdyń ata-anasy ata-ana quqyǵynan aıyrylǵan. Sol sebepti, ol Sandyqtaý aýylyndaǵy ómirlik qıyn jaǵdaıǵa tap bolǵan balalardy qoldaý ortalyǵynda bolǵan. Qazir qyz bala Aqkól qalasyndaǵy balalar úıine ornalastyryldy», - dep tolyqtyrdy vedomstvodan.
Aıta ketsek, buǵan deıin Aqmola oblysynda joǵalǵan 9 jasar qyz tabylǵan edi.
Foto: Aqmola oblysy PD