Aqmola oblysynda ASHYQ jobasy boıynsha 48 QR kody berildi

KÓKShETAÝ. QazAqparat - Aqmola oblysynda «Ashyq» jobasyn engizý jumystary jalǵasýda. Bul týraly óńirlik kommýnıkatsııalar qyzmetinde ótken brıfıngte oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.

Onyń aıtýynsha, qosymshany engizýdiń negizgi maqsaty – juqtyrǵan nemese baılanysta bolǵan adamdardyń qoǵamdyq oryndarǵa barýynń aldyn alý, karantın kezinde azamattardyń vırýs juqtyrý qaýpinsiz shaǵyn jáne orta bıznes jumysyn qalpyna keltirý.

«Sáýirdiń 26-nan bastap jobaǵa elimizdiń barlyq oblystary qatysýda. 1827 nysannyń 953-i testilik rejımde jumys isteıdi. Qosymshany 400 myń paıdalanýshy júktep aldy. Qazirgi ýaqytta joba kelesi nysandarda júzege asyrylýda: fıtnes-klýbtar, spa-ortalyqtar, kompıýterlik klýbtar, boýlıng-klýbtar, kınoteatrlar, teatrlar, fılarmonııalar, qoǵamdyq tamaqtaný obektileri, fast-fýdtar, strıt-fýdtar, bılıard jáne kontsert zaldary. Mamyrdyń 5-nen bastap jobaǵa karaoke men kontsert zaldaryn qosý josparlanýda», - dep atap ótti A.Mýsına.

Aıta keteıik, Aqmola oblysy boıynsha jobaǵa Kókshetaý jáne Stepnogorsk qalalary engizilgen. Bul qalalarda 50-ge jýyq QR-kod berildi (Kókshetaýda-35 jáne Stepnogorskide-13). «Ashyq» qatysýshylarynyń tizimi oblys ákimdiginiń resmı ınternet-resýrsynda jarııalanady.