Aqmola oblysynda «Ashyq» boıynsha jumys isteıtinder qosymsha jeńildikterge ıe boldy
Aqmola oblysynyń bas memlekettik sanıtarlyq dárigeri Aınagúl Mýsınanyń №19 jańa qaýlysy mamyrdyń 27-nen bastap kúshine endi.
Bul qujatqa sáıkes, qoldanystaǵy «Aqmola oblysynyń aýmaǵynda shekteý karantın sharalaryn kúsheıtý týraly» №14 qaýlysyna birqatar ózgerister engiziledi.
Jańa qaýlyda banket zaldarynda 30 adamnan aspaıtyn eseppen jáne bir adamǵa keminde 4 sharshy metr alańdy qamtamasyz etý kezinde eske alý sharasyn ótkizýge ruqsat beredi. Bul nysandardyń tolymdylyǵy 30 paıyzdan aspaǵan jaǵdaıda saǵat 07:00-den 02:00-ge deıin jumys isteıtin bolady. Al qosymsha boıynsha jumys istemeıtin nysandarǵa 20:00-ge deıin jumys isteýge ruqsat etiledi. Qujat bılıard, kompıýterlik klýbtardyń, sonyń ishinde PlayStation klýbtarynyń, boýlıng ortalyqtarynyń jumysyn 00:00-den 02:00-ge deıin uzartady. Bul rette kompıýterlik klýbtarǵa 16 jáne odan joǵary jastaǵy adamdar ǵana jiberiledi. Karaoke osy keste boıynsha jumys isteıdi, biraq 50 paıyzǵa deıin toltyrylýy múmkin, 30 adamnan aspaıdy. Sondaı-aq, qujat lotereıa klýbtary men lotereıany satýdyń basqa núkteleriniń jumysyn qarastyrady. Olar bir adamǵa keminde 4 sharshy metr aýmaqty qamtamasyz etý kezinde jáne bir mezgilde 30 adamnan aspaıtyn ýaqytta jumys isteı alady.
Eske sal keteıik, óńir áli de «qyzyl» aımaqta qalyp otyr: Alaıda «Ashyq» qosymshasy boıynsha jumys isteıtin nysandar endi qosymsha jeńildikterge ıe jáne «sary» aımaqta jumys isteıdi.