Aqmola oblysynda ál-Farabı 1150 jyldyǵyna oraı qandaı sharalar ótkiziletini belgili boldy
Maǵjan Jumabaev atyndaǵy Aqmola oblystyq ámbebap ǵylymı kitaphasynda uıymdastyrylyǵan sharada aımaq basshysy Ermek Marjyqpaev Ál-Farabıdiń 1150 jyldyǵy halyqaralyq deńgeıde UNESCO aıasynda atalyp ótiletindigine toqtala kele, oblys aýmaǵynda jyl boıyna 500-den astam is-shara ótkizý josparlanyp otyrǵandyǵyn jetkizdi.
«Jalpy, bıyl oblysymyzda ál-Farabı babamyzdyń mereıtoıyna oraı ár túrli formatta is-sharalar ótkizý josparlanǵan. Sonyń biri - uly oıshyl, ǵulama Ábý Nasyr ál-Farabıdiń eńbekterimen tereńirek oqyrman qaýymdy tanystyrý maqsatynda búgin uıymdastyrylyp otyrǵan ǵylymı-praktıkalyq konferentsııa. Budan bólek, maýsym aıynda Otyrar memlekettik arheologııalyq mýzeı-qoryǵynyń «Farab-Otyrar órkenıeti» arheologııalyq kórmesi uıymdastyrylady. Sondaı-aq, jyl boıy mádenıet, bilim salalarynda túrkitildes elder Túrkııa, Ózbekstan Respýblıkalarynyń kitaphanalarymen onlaın túrde telekópir júrgiziledi, ǵylymı-praktıkalyq konferentsııalar serııasy, mýzeı sabaqtary jáne lektsııalar, dóńgelek ústelder, barlyq sanattaǵy aýdıtorııany tartý maqsatynda aqparattyq kórmeler uıymdastyrylady», - dedi aımaq basshysy Ermek Marjyqpaev.
Sonymen qatar, konferentsııada Túrkııanyń Ankara qalasyndaǵy Hajı Baıram Velı ýnıversıtetiniń professory Konýralp Erjılasýn beı, Ál-Farabı atyndaǵy Qazaq ulttyq ýnıversıtetindegi ál-Farabı ǵylymı zertteý ortalyǵynyń ǵylymı keńesshisi, fılosofııa ǵylymdarynyń doktory Jaqypbek Altaev, L.Gýmılev atyndaǵy EUÝ fılosofııa ǵylymdarynyń doktory, professor, ǵalym Ǵarıfolla Esim, fılosof, teolog, Qoja Ahmet ıAssaýı atyndaǵy Túrkistan memlekettik ýnıversıtetiniń arab tiliniń oqytýshysy Dosaı Kenjetaı, L.Gýmılev atyndaǵy EUÝ shyǵystaný kafedrasynyń professory, fılologııa ǵylymdarynyń kandıdaty Samal Tóleýbaeva, Ál-Farabı atyndaǵy QUÝ tarıh ǵylymdarynyń kandıdaty, professor Gúlnar Muqanova jáne Sh,Ýálıhanov atyndaǵy Kókshetaý memlekettik ýnıversıtetiniń ǵalymdary men tarıhshylarynyń Ál-Farabı jáne onyń rýhanı murasy týraly taqyryptarda baıandamalary tyńdaldy.