Aqmola oblysynda «Aqmola jastary» baǵdarlamasy iske asyrylady
Basqarmanyń málimeti boıynsha, Aqmola oblysy turǵyndarynyń 150 myńy nemese 20 paıyzy - jastar. Jastardy jumyspen qamtý jáne jumyssyzdyq máselesin sheshý baǵytynda «Dıplommen aýylǵa!», «Jastar tájirıbesi», «Jasyl el» baǵdarlamalary óńirde sátti júzege asyrylýda. Jyldan-jylǵa jańadan isin bastaǵan jas kásipkerlerge nesıe berý kólemi artyp keledi. Talantty stýdentterge Aqmola oblysy ákiminiń ataýly shákirtaqysy men bilim stependııalary berilýde.
«Elbasy 2019 jyldy Jastar jyly dep belgiledi. Bul, Aqmola oblysynda jastardy qoldaý baǵytyndaǵy tyń jobalar men ıdeıalardy júzege asyrýǵa serpin beretini sózsiz», - dedi Іshki saıasat basqarmasynan.
Atap ótilgendeı, bıyl «Aqmola jastary» baǵdarlamasy bastaý alady. Atalmysh baǵdarlama sheńberinde 424 jas otbasyǵa arnalǵan 6 úı salynady. Bes qabatty 4 jáne eki qabatty 2 turǵyn úıdiń qurylysy aǵymdaǵy jyly bastalady. Páterlerge jasy 35-ten aspaǵan, Aqmola oblysy aýmaǵynda turyp, jumys isteıtin jastar úmitker bola alady.
«Qazaqstannyń turǵyn úı qurylys jınaq banki» AQ arqyly beriletin qaryz aqshanyń eń joǵary kólemi 10 mıllıon teńgeden aspaıdy. Baǵdarlamanyń tıimdi tusy qaryz aqsha boıynsha syıaqy - 20 paıyz. Eger úmitkerdiń «Qazaqstannyń turǵyn úı qurylys jınaq bankiniń» arnaıy esep-shotynda 3 jyldyq jınaǵy bolsa, onda qaryz aqshanyń paıyzdyq mólsherlemesi 5 paıyz, eger bolmasa, nesıe boıynsha paıyzdyq mólsherleme 7 paıyz bolady.