Aqmola oblysynda 9 kún buryn joǵalǵan jigit tabylmaı jatyr
22:33, 22 Aqpan 2023
KÓKShETAÝ. QazAqparat - Aqmola oblysynda toǵyz kún buryn joǵalǵan 21 jastaǵy jigit tabylmaı jatyr, dep habarlaıdy QazAqparat tilshisi.
Aqmola oblystyq PD baspasóz qyzmetiniń málimetinshe, 20 aqpanda Kókshetaý qalalyq PB-na oblys ortalyǵynyń 48 jastaǵy turǵyny ótinishpen júginip, 2002 jylǵy uly Rahman Jaslanuly Bojantaevty izdeýge kómek surady.
Er adamnyń sózinshe, uly 6 aqpanda Astanadan qonaqqa baryp, ol jaqtan 13 aqpanda ketken, sodan beri habarsyz.
Joǵalǵan adamnyń boıy 170-175 sm, dene bitimi aryqsha kelgen, shashynyń túsi qara.
Joǵalǵan adamdy izdeýge Kókshetaý qalasy PB-nyń jeke quramy men kúshteri jumyldyryldy.
Rahman Bojantaevtyń ornalasqan jeri týraly qandaı da bir aqparatqa ıe adamdar dereý 87786453579, 87028779255, 8(7162)257805 telefon nómirine nemese 102 jelisine habarlasýyna bolady.