Aqmola oblysynda 88 uıym «Ashyq» kóshbasshylary tizimine endi

KÓKShETAÝ. QazAqparat - Aqmola oblysynda 88 uıym «Ashyq» kóshbasshylary tizimine endi. Onyń ishinde saýda oıyn-saýyq ortalyqtary, qoǵamdyq tamaqtaný oryndary, memlekettik organdar men saýda núkteleri bar, dep habarlaıdy QazAqparat tilshisi.

Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, «Ashyq» kóshbasshysy» mártebesin berý úshin jobaǵa qatysýshylardyń tizimin ákimdik anyqtaıdy. Olar eki aptalyq kezeńdegi QR-kod (check-in) boıynsha kelýshilerdi tirkeý sany arqyly anyqtalady.

«Qoǵamdyq tamaqtaný nysandarynyń tizimine: «The Best» kofehanasy, «Aldar kóse» dámhanasy, «Atajurt» meıramhanasy, «Qoǵamdyq tamaqtandyrý 24» kiredi.

Demalys nysandarynyń tizimine: «Zeren-Nur» sanatorlyq-saýyqtyrý kesheni» - Zerendi aýdany, «Discovery-Borovoe» ońaltý saýyqtyrý ortalyǵy» - Býrabaı aýdany, «Beibarys» demalys bazasy-Arshaly aýdany, «Balqaraǵaı Kantrı Klýb» - Tselınograd aýdany.

Saýda-oıyn-saýyq ortalyǵynyń tizimine: Kókshetaý qalasyndaǵy «RIO» saýda oıyn-saýyq ortalyǵy kiredi.

Sondaı-aq, «Ashyq kóshbasshylary» tizimine mynalar kirdi: Kókshetaý áýejaıy, Kókshetaý stantsııasynyń temirjol vokzaly, oblysaralyq jáne qalalyq turaqty emes (týrıstik) tasymaldar) Nomad – Býrabaı aýdany», - dedi vedomstvodan.