Aqmola oblysynda 8 jasar qyz balany ıt talady

KÓKShETAÝ. QazAqpart - Aqmola oblysynda ıt talaǵan 8 jasar qyz bala túrli dene jaraqatymen aýrýhanaǵa júgindi, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, oqıǵa 21 sáýir kúni Zerendi aýdanynyń Shaǵalaly aýylynda bolǵan. Polıtsııa bólimine 33 jastaǵy áıel habarlasyp, shyǵys eýropalyq tuqymdy ıttiń ıesine shara qoldanýdy suraǵan.

«Áıeldiń sózinshe, saǵat 19:30 shamasynda kórshiniń ıti kóshede júrgen 8 jasar qyzyna shabýyldaǵan. Qyzdy ıt aýzynan ájesi aman alyp qalady. Basy men keýde tusynan jaraqattanǵan bala medıtsınalyq mekemege jetkizilip, dárigerler kómek kórsetken soń úıine jiberildi»

, - dedi polıtsııanyń baspasóz qyzmeti.

Iesi ıttiń baılaýly turǵanyn, alaıda ózderi joqta shynjyrdan bosap ketkenin aıtqan.

«Aýyl turǵynyna qatysty polıtsııa qyzmetkerleri 407-2-baptyń 1-bóliginiń 4-tarmaǵy (úı janýarlaryn ustaý jáne serýendetý erejelerin buzý) boıynsha ákimshilik hattama toltyrdy. Iesine 10 aılyq eseptik kórsetkish mólsherinde aıyppul salý qarastyrylyp otyr»

, - dep tolyqtyrdy baspasóz qyzmetindegiler.

Buǵan deıin habarlaǵanymyzdaı, Aqmola oblysynda memlekettik organ ǵımaratyn órtemek bolǵandar izdestirilip jatyr.