Aqmola oblysynda 8,5 mıllıonnan astam memqyzmet kórsetildi

KÓKShETAÝ. QazAqparat - Aqmola oblysynda 8,5 mıllıonnan astam memlekettik qyzmet kórsetildi. Bul týraly brıfıngte QR Memlekettik qyzmet isteri agenttigi Aqmola oblysy boıynsha departamentiniń basshysy Bergen Bespalınov málim etti, dep habarlaıdy QazAqparat tilshisi.

Departament basshysynyń dereginshe, 2021 jyly oblys boıynsha barlyǵy 8 mıllıon 534 myń memlekettik qyzmet kórsetse, olardyń 94,5 paıyzy elektrondy formatta bolǵan.

«Departamentpen memlekettik qyzmet kórsetý sapasyn arttyrý maqsatynda problemalyq máselelerdi anyqtaýǵa jáne joıýǵa múmkindik beretin baqylaý is-sharalary ótkiziledi. Ótken jyly 82 tekserý júrgizilip, 31 tulǵa tártiptik jaýapkershilikke tartyldy», - dep málimdedi B.Bespalınov.

Departament basshysy atap ótkendeı, ótken jyly Ádep jónindegi keńestiń 15 otyrysy ótkizilip, onda 67 másele qaraldy. Tártiptik isterdi qaraý qorytyndysy boıynsha 16 tulǵa tártiptik jaýapkershilikke tartyldy, Memlekettik qyzmet týraly zańnamany jáne Ádep kodeksin saqtaý máseleleri boıynsha 29 tekserý júrgizildi.

«Bizdiń qyzmetimizdiń mańyzdy baǵyty azamattardyń ótinishterin qaraý jáne olardyń buzylǵan quqyqtaryn qalpyna keltirý bolyp tabylady. Mysaly, ótinishterdi qaraý nátıjeleri boıynsha bir azamatqa jyljymaıtyn múlik obektisiniń turaqty mekenjaıy, ekinshisine jeke kýálik berildi, sondaı-aq jeke sharýashylyq jáne baǵbandyq úshin jer ýchaskeleri berildi» - dedi B.Bespalınov.